شارلمان — فرانق دولتی قراللرندن بر مشهور ذاتدر. فرانسه+یی اصلزادكان و پاپاسلر الندن قورتاران مشهور ایمپراطور (په پین) ك صلبندن دنیایه کلمش و (٧٧١ م و ١٥٥ ه) ده پدرینك وفاتیله جلوس ایدرك (٨٠٧ م و ١٩۲ ه) تاریخنده وفات ایلمشدر. جلوسندن أوچ سنه صكره ایتالیایه یرلشمش اولان ( لومبارد) حكومتنی محو ایدرك المانیا باربارلرینی تربیه و (ساقسونیا) قطعه+سیله سائر بعض ایتالیا مالكنی آلوب ایتالیای غربی قراللغنی دخی درعهده ایلدی و مؤخراً(٧٧٧ م و ١٦١ ه) تاریخنده اندلس ممالكنه هجوم ایله (سرقسطه) والیسنك (دوانسو) بوغازنده ایتدیکی غلبە+دن كوزی ییلوب رجعته مجبور اولدیسەده برار صكره خلیفه (هارون الرشید) ایله وجوده كتوردیكی ابواب صلح و مخاذنت سایه+سنده قدس شریفده+كی (مقامه) كلیساسنك برچوق هدیه+لرله برابر مفتاحنه مالك اولدی و المانلر طرفندن هدف تحقیر اولان پاپایی حمایه وتسریر ایدرك پپا طرفندن دخی (بتون عیسویلرك حامیسی) عنواننی قزاندی. شارلمانك پاپایی بو صورتله نطبیب ایدیشی و عنوان الیشی هب انتریقه اولدیغندن و انتریقه+لرك تولید ایتدیكی نتایج اثری اولمق اوزره شرق وغرب كلیسالری یكدیرندن ایریلوب پاپایی طانیان غرب خرستیالرینه (قتولك) و استانبول پطریقنی طانیان شرق خرستیانلرینه (اورتودقس) دینلمشدر
هارون الرشید) ك شارلمانه كوندردیكی هدیه+لر ایچنده او وقته قدر اوروپاده نظیری كورلمامش بر ساعت دخی وارایدی که بونی بغدادده بر یهودی یاپمش ایدی اول عصرده بولنان بعض رهابین دقایقیین بو ساعت علامات ساعتدندر و ایچنده شیطان واردر كبی بر طاقم ملاحظات ابلهانه سردیله استعمالندن خلقی منع و تحذیر ایلمش اولدقری روایات غریبه+دندر