لغات تاریخیه و جغرافیه

Lugat-ı Tarihiyye ve Coğrafiyye

شارس

شارس — عجایب سبعۀ عالمدن ردوس هیكل عجیبنی اعمال ایدن یونانلی بر مشهور مصورك اسمیدر. بو هیكل شمس پرستلر زماننده كویا شمسك صورت مجسمی اولنمق اوزره تصویر اولنمش ایكی یوز بش قدم ارتفاعنده تونجدن مصنوع بر فنار قله+سی ایدی وردوس لیماننه كیرە+جك طار بوقازده اقامه اولنمش اولدیغندن اك بیوك سغائن یلکنلری آچیق اولدیغی حالده ایكی بجاغی اره+سندن مرور و عبور ایدرلر ایدی و صاغ النده كیجه+لری كمیلره ارائۀ طریق ایلمكه مخصوص برفنار اولوب ایاقلرینك باش پرمقلرینی برانسان انجق قوجاقلیه بیلورایدی بونك اعمالنه میلاددن (٣۰۰)سنه مقدم باشلانوب یكرمی اکی سنه ظرفنده اكمال قلنمش و اللی سكز سنە+دن صكره بر حركت ارض سببیله دكز كنارینه دوریلە+رك (٦٧٠ م و ٥٠ ه) سنه+سنه قدر علی حاله قالوب امویه+دن (معاویه) ردوس جزیره+سنی فتح ایلدكده بر یهودی بازركانه صاتمش و او دخی پازه+لیە+رك طقوز یوز دوه یوکی تونج قالدیرمشدر