شار — قدیم غرشستان ملوكنك عنوانیدر (غرشسنان خراسانك جبال غوره متصل بر بیوك ناحیه+سی اولوب جانب شرقیسنده جبال غور و جانب غربیسنده هرات و جانب شمالیسنده مروالرود و جنوباً غزنه ایله تحدید اولنور غرش اهالیسنك لساننده كوه معناسنه اولوب غرشستان دیمك كوهستان دیمكدر) بونلرك عهد اسلامده برنجیسی شار ابو نصر محمد
بن اسدكه اصلی و اجدادی غرشستان ملوكندن اولدیغی حالده اهل اصلامك اول حوالي+ یه استیلاسی اوزرینه مومی الیه اسد و اوغلی محمد ملوك سامانیه خدمتلرینه كیروب مؤخراً محمد انلرك طرفندن غرشستانه والی نصب اولنمش ایدی صكره سامانیلره ضعف طاری اولمسی اوزرینه محمد استقلال بولوب حركت عاقلانه ایله وسائط مسروریت رعایایی تهیه و اعداد و هر طرف اجرای آیین عدل و داد ایلدی. مشار الیه (ابونصر محمد) فی نفس الامر عالم و فاضل بر ذات اولوب اصحاب علم و كمال ایله مصاحبته مشتغل و كیجه كوندز تحصیل علم شریفه متوغل ایدی. مؤخراً كندوسی بتون بتون عزلت اختیار ایدرك یرینی اوغلی شار شاهه براقدی ( شار شاه) مملكتپرورلكده پدرینك اثرینه اقتفا ایله بر مدت كامروای حكومت اولدقدن صكره امیرنوح اوزرینه خروح ایدن (ابو علی بن سیمجور) طرفندن ترك حكومته مجبور ایدلدیكندن پدریله واروب مملكتلرینك خطۀ منتهاسنده بر مستحكم قلعه+یه تحصن و بعده امیرسبكتكین خارجئ مرقوم اوزرینه كلدكده قلعە+دن چیقوب سبكتكینه امداد و معاونتده بو لنمغله ینه كندو مملكتنه مالك اولوب یمین الدوله محمود غزنوینك خراسانی تملكنه قدر رفاه اوزره امرار اوقات ایلدی بعده یمین الدوله+یه اطاعت و بر مدت دخی بو صورتله اجرای حكومت ایلدیسه ده مؤخراً برشیدن طولایی مشارالیهه اطاعتدن روكردان اولدیغندن اوزرینه عسكر كوندریلوب اسیر و ممالكی دخی تسخیر ایدیله+رك كندوسی ممحبوساً فوت اولدی