شابور ثانی — ساسانیان طبقه+سندندر پدری (هرمز) ثانی وفات ایتدیكی زمان هنوز رحم مادرده اولدیغندن تولدیله جلوسی (٣١٠ م) تاریخنده وقوعبولدی. اون التی یاشنده زمام حكومتی بالذات النه آلوب ایرانه مستولی اولان عربلری طرد و بحرین طرفلرینی فتح و ضبط ایدرك بر قاچ سنه صكره ارمنستانده منتشر اولان خرستیانلغی محو و ازاله ایچون خیلیجه قانلر دوكدی و (امد) شهرینی رومالولردن ضبطی عقیبنده (نزیب)محاربه+سنی و دها بعض ممالكنی غیب ایتدیسه ده مؤخراً یعنی (٣٦٣ م) تاریخنده ممالك مزبوره+یی كاملاً استرداد ایله تلافیء مافات ایلدكدن بشقه هنوز ایمپراطور تعیین اولنان (ژولیه+ن)ه اعلان حرب ایدوب (٣٦٣ م) تاریخنده دجله نهونك کنارلری اوزرنده بو ایمپراطوری بادئ هلاكی اولان بر جریحه+یه دوچار ایدرك محاربه+یی قزاندی. وفاتی (٣٨٠ م) تاریخنده+در. عربلره غلبه+دن صكره اله كچوردیكی اسیرلرك اوموزلرینی كسه+رك صالیویرمکی عادت ایلدیكندن بین العرب (شابور ذولاكتاف) لقبیله شهرت بولمشیدی بو حكمدارلرك ایچنده بو نامده دها برقاچ حكمدار وارایسه ده اول درجه اهمیتلری یوقدر و برنجی ( یزدجرد)ك اوغلی و ارمنستان حكمداری شابور دخی (٤١٥ م) تاریخنده اوچنجی نوشیروانك وفاتی اوزرینه ارمنستان تختنه اوتوردی و تبعه+سنی دین عیسویدن و روما اتفاقندن آیرمغه چالشدیسه ده موفق اولمیوب (٤٢٠ م) تاریخنده قته+زیفونه یاپمش ولدیغی بر سیاحت اثناسنده وقوعبولان بر اختلالدن ناشی ارمنستان تاجندن محروم قالدی