شابور اول بن اردشیر — ساسانیان طبقه+سندندر(٢٣٨ م) تاریخنده جلوس ایدوب مدت سلطنتی اولان اوتوز اوچ سنه ظرفنده اخیراً مقر حكومت اتخاذ ایتدیكی (نیشابور) شهرینی انشاء و (حیره)یی حرباً زیر حمایه+یه ادخال ایله ملوك عربدن آل منذرك جدی مشهور (عمرو) بن عدی+یی حیره حاكمی تعیین ایتدی و (٢٥٩ م)ده سوریه و انطاكیه ولایتلرینی رومالوردن ضبط و تسخیر و سوریه والیسنی اسیر ایدرك ایمپراطور (والارین)ك بونلری استخلاص املیله وقوعبولان مساعیء جربیه+سنی نتیجه سز براقدی بعضلرینه كوره اسیر اولان (والارین) اولوب اعدام دخی اولنمشدر
شابور نهایت ارمنستانی و قپادوقیا و كیلیكیایی دخی ید استیلاسنه الدیسه ده (٢٦١ م) تاریخنده (اوده نان) طرفندن قته+زیفون یعنی بغداده دکین تعقیب اولنمغله فراتی مروری اثناده بوزیله+رق مجبور رجعت و برآز صكره اولیه+نه
قارشو تدمر حاكمه+سی (زنوبی)نك اتفاقنه داخل اولدیغی حالده وفات ادیوب برنجی هرمز نام اوغلنه ترك حكومت ایلدی