لغات تاریخیه و جغرافیه

Lugat-ı Tarihiyye ve Coğrafiyye

سوط

سوط — مصر علیاده بر شهر اولوب سیوط ایالتنك مرکزیدر اشبو شهر نیلك صول طرفنده و قاهره+نك اوچیوز کیلومترو جنوبنده بر قنال اوزرنده واقع و یكرمی بش بیك نفوسی جامعدر و اولرینك اکثریسی قولبه+در بوراسی مصر علیا تجارتنك باشلیجه مأمنلرندن بری اولدیغی كبی دارفوردن آمد و شد ایدن کاربانلرك مجمعی صاییلور سیوط ایالتی جنوب شرقیده (مینا) و شمال غربیده جرجه ایله تحدید اولنور طولی یوز اللی و عرضی یكرمی بش كیلومترودن عبارت اولوب ایكی یوز بیك نفوسی واردر. قبل الاسلام قدمای اهالیسی قورد ویا قورد صاندقلری چقاله تعظیم و پرستش ایتدكلریچون یونانیلر كندو لسانلرنده قورد شهری معناسنه اوله+رق (لیوپولیس) دیرلر ایدی