اسلاو — یوت تاتارلری جنسندن بر بیوك قبیله+در بونلر
تاتارستاندن طرد اولندقدن صكره ممالك هندیه+یه كلوب جرمانلرله بر حكومت
تشكیل ایتدیلر مؤخراً یعنی میلاد عیسی علیه السلامدن تخمیناً اون بش
عصر مقدم اسیاده واقع (وولغا) نهرینك جهت غربیسنه ایندیلر ایسه ده
اسلاو نامنك برو طرفلرده ایشیدلمسی خیلی زمان صكره وقوعبولدی.
اسلاولر ایكی نوع اولوب بر نوعنه (اصل اسلاو) دیكرینه (واند)
دیرلر ایدی. اسلاولرك بر طاقمی (آتیللا)نك زمان حكومتنه دكین
مستفل قالوب اندن صكره ایچلرندن صرپلر و خرواتلر آیریله+رق (٦٣١ م
و ١٠ ٥) تاریخنده اوروپانك جهت جنوبیسنه یرلشدیلر و دیكر طاقمی
الب نهرینه قدر ایلرلدویلر ایسه ده ایمپراطور )شارلمان) و برنجی (اوتون)ك
بیوندیوریغی التنه كیرمكدن بشقه بر ایش كوره مدیلر.
اشته اولوقت بونلره اسیر معناسنه اوله+رق ویرلمش اولان (اسلاو) نامی
اوزرلرنده قالمشدر (بوهمیا) و (اسقلاوونیا) و صربیه) و(خرواتیه)
و (موراویا) و (بوسنه) و (له) و (والاش) خلقنك اسلاو جنسندن
اولدیغنه نظراً (پولوینا) و (روسیه) و (اوستریا) دولتلرینك مقدما
بونلرك تشكیل ایتدكلری دوقه+لقلردن بیویوب وجوده كلمش اولمسی مأمولدر.
اسلاولر خرستیانلغی طقوزنجی عصردنبرو قبوله باشلادیلر روی
ارضده الیوم موجود اولان اسلاولرك عددی سكسان درت ملیون تخمین
اولنیور.
)اسلاو) كومر بن یافث بن نوح علیه السلامك برنجی اوغلی ایدی
دییانلر ده واردر.