لغات تاریخیه و جغرافیه

Lugat-ı Tarihiyye ve Coğrafiyye

سیوری سینك

Sivri sinek

سیوری سینك — علم حیواناتده هوام ذوالجناحیندندر عربیسی (بعوض) فاریسی پشه. اشبو حیوانجغزك خلفتی فیل خلقتنه مشابه اولوب انجق اعضاسی فیلدن زیادەدر زیرا فیلك ایاقلری درت اولدیغی حالده بونك التی ایاغی و فیلده جناح اولمیوب بونك قنادلری واردر خرطومی مجفوف و نافذ اولوب جسد انسانی صوقدقده دمنی چكه+رك خرطومیله جوفنه آتار خرطومی كندوسنه بلعوم و حلفوم كبیدر. اكثریا صو كنارلرینه یمورطلر و آچدیغی جریحه+یه بر لعاب حریف القا ایدر. سیوری سینكك خاموشلری ممالك حاره+ده پك مضردر. بلیغ مشهور قوجه (جاحظ) صنع عجیب باری+یی و قدرت و عظمت و لطف الهام كردكاری+یی وصف و بیانده (من علم البعوضة ان وراء جلد الجاموس دماوان ذلك غداءلها وانها اذاطعنت فی ذلك الجلد الغلیظ نفذفیه خرطومهامع ضعفه) آیاپشۀ ذره خلفته جاموسك جلدی داخلنده خون اولوب اول خون كندوسنه غدا اولدیغنی و جلد غلیظ مذكوره اوردیغی حالده خرطومنك ضعفیله برابر دلوب کچه+جکنی كیم تعلیم ایلدی (ولوانك طعنت فیه بسلاح شدیدة رقیقة الحد لانكسرت) حالبوكه سن آرقه+سی قالین و اغزی اینجه و كسكین سلاحی اوجلده اورسك قیریلور فسبحان من رزقها علی ضعفها بقوته و قدرته لااله غیره ولامعبود سواه ) یعنی اول ذات واجب الوجودی كافۀ نقایصدن تنزیه ایدرم كه پشه+نك ضعفی اوزرینه بو وجهله قوتنی و جلد جاموسی دلمكده قدرتنی او حیوان ضعیفه ویرمشدر دیدی. پشه+یه جملۀ الهامات باری تعلادندركه اعضاء انساندن بر عضوه قوندقده رقتی جهتیله قان اخراجنه زیاده سهولت ویرن مسام عرقی یعنی تر چیقان یری آراشدیرر و حرصی نهایت بر مرتبه+ده اولدیغندن قانی چاتلاینجه+یه دك یاخود طیراندن قالنجه+یه قدر اموب هلاكنی دعوت ایدر