سیواس — آسیای عثمانیده بو نامله معروف اولان ولایتك مركز اداره+سیدر اشبو شهر خالیص نهری اوزرنده و استانبولك شرق و جنوب
شرقیسنده و یدی یوزالتمش كیلومترو بعدنده واقع اولوب اون التی بیك نفوسی جامعدر صناعت و تجارتی آز ایسه ده زنکین باقر معدنلری واردر لوكولوس وقتیله بو شهر جوارنده مهرداده غلبه چالدی و اغستوس زماننده روما حمایه سی التنده بولنان (بیتودوریس) نام پونت قرالیچه+سی طرفندن اوغستوسك شرفنه اولمق اوزره (سباست) نامیله یاد اولندی و (١٤٠٠ م و ٨٠٣ ه) تاریخنده تیمورلنك طرفندن ضبط و تخریب ایدلدی. انقره+ده قوچكیری سنجاغنده دخی (سیواس ایلی) نامنده بر قضا مركزی واردر
سیواس ولایتی — قدیم آسیای صغرانك جهت جنوبیسی اوزرنده كائن اولوب شمالاً قره دكز شرقاً ارضروم و طربزون جنوباً دیاربكر مرعش و قره+مان ایالتلری ایله محدوددر طولاً (٥٨٠) و عرضاً (٢٧٠) كیلومترو اتساعی اولوب سكز یوزبیك اهالیسی واردر طاغلری اورمانلق اولدیغی كبی صحراسی غایت منبت و محصولداردر و هر نوع حبوباتدن بشقه حریر بال و متنوع معدنلری واردر. سیواس ولایتی بر اره+لق امرای سلاچقه+دن قاضی برهان الدین سلاله+سنك زیر حكمنه كچمش و دولت علیه (١٣٩١ م و ٧٩٤ ه) تاریخنده سلالۀ مرقومه یدندن اخذ ایلمشیدی