سینغاپور — هند چینیده و هند و چین و اوقیانوس میاننده
و غانج نهرینك اوته+سنده بر شهردر مالاقه شبه جزیرەسی منتهاسنده و صوماترا اطه+سی بیننده بو نامله معروف اولان اطه+نك ساحل جنوبی اوزرنده بولنور طقسان بیك نفوسی جامعدر سربست و غایت تجارتكاه بر لیمانی و انشاآته دائر اخشاب مغازه+لری و نباتات و میوه باغچه+لری و بر مكتبی اولدیغی كبی آسیا و اوقیانوس تجارتی ایچون كلان اوروپالیلر و چینلیلر وعربلر و هندلیره مخصوص بیوك تجارتخانه+لری واردر. بو شهر( ١٨١٩ م و ١٢٣٥ ه) ) تاریخنده انكلیز (سیر طومارافل) طرفندن تأسیس اولندی الیوم انكلیزلره تابعدر سینغاپور اطه+سنك طولی قرق عرضی یكرمی كیلومترودر بو نامله مسمی بر بوغاز جزیرەیی قاره+دن تفریق ایلر. (سینغاپور ارسلان شهری دیمكدر