سینا — بحر احمرك جهت شمالیسنده و (عقبه) و (سویش) كورفزلری بیننده بر شبه جزیره در بوكا اراضیء (تیه) و اراضیء (عریش) و اراضیء (سین) دخی دیرلر جبل طور بو وادینك اوزرنده واقعدر بو طاغك ایكی تپه+سی اولوب اك یوكسكی ایكیبیك سكز یوز اون درت مترو ارتفاعنده+دركه جوارنده اولان صحزه+لر بنی اسرائیلك بر طاقم اسکی یازولریله منقوش كورینور. حضرت (موس) علیه السلام مصردن چیقدقدن صكره قومیله برابر قرق سنه بو وادیده ارام ایتمش و جناب حق حضرت مشار الیهی جبل مذكور اوزرنده قرق كون شرف خطاب ایله كامیاب بیورمش ایدی. طبریه كولنك جنوب و شرق سمتنده و ناصریه+نك جهت جنوبیسنده و اون بر كیلومترو بعدنده اولان و بیك مترو ارتفاعی بولنان جبل طور قدما نزدنده ( ایتابیریوس موتس) نامیله و زیتون اغاجلرینك كثرتیله مشهور ایدی حضرت(عیسی) علیه السلام اكثریا بو طاغده عبادت بیوررلر ایدی حتی معهود (یودا) مشارالیهی بوراده عبادتله مشغول ایكن خبر ویرمشیدی. ( ١٧٩٩ م و ١٢١٤ ه) تاریخنده بوناپارت ایله جنرال قلوبر جبل مزبور جوارنده از بر عسكرله بیوك بر اسلام اردوسنی بوزمشدر. فرنكلر بوكا طابور طاغی دیرلر