سیمیا — حسده وجودی اولمیان بعض مثالات خیالیه+نك احداثنه دینور و بعضاً سحردن غیر حقیقی بر نوعه و بعضاً مثالات مذكوره+یی حسده صورتلری ایله ایجاده دخی اطلاق اولنور. بونك اصول و قواعد و تركیباتی كتابلرده مسطور ایسه ده اربابی مفقود و فعلیاتی غیر مشهوددر. حكیم حسین بن اسحقك مقالات عشرۀ افلاطونیه+دن بالترجمه بیان ایتدیكنه كوره تركیبات عجیبه و عزایم و طلسمات غریبه ایله یاپیلان اشبو نوامس سیمیا ایكی نوع اولوب ناموس كبیر دنیلان و علویات و سفلیاتده تأثیری اولان واعمالی غایت مشكل بولنان برنجی نوعی كوندز كوریله+مامك و قوری اغاجی یشرمش و یپراق و میوه ویرمش و رعد و برق كبی شیلر و هواده اشكال و علامت عجیبه كوسترمك و ناموس صغیر دنیلان و اعمالی اسهل اولان ایكنجی نوعی دخی صور انسانیه+یی صور بهایمه قلب اولمش كوسترمك و اختفا ایتمك و مطلوبنی رؤیاده كورمك و دفاین بولمق و طائفۀ جن ایله سویلشمك كبی اینانلمز بر طاقم اوهام و خیالات و دعوادن عبارتدر و بونلرده اعمال و خواصی ایجابنجه برچوق ناموسه منقسمدر. لفظ سیمیا عبرانیدن معرب و اصلی (سیم+یه) و معناسی (اسم الله) ایمش
٣ نوامس كبیردن تركیب و تعفین ایله اعمال اولنان
٦ نوامس كبیردن تركیب و ندخین ایله اعمال اولنان
٤ نوامس كبیردن تركیب ایله اعمال و تزیین اولنلن
٤ نوامس كبیردن عزایم ایله اعمال و تزیین اولنان
١ نوامس كبیردن طلسمات ایله اعمال و تزیین اولنان
٣ نوامس صغیردن تركیب و تعفین ایله اعمال اولنان
٣ نوامس صغیردن تركیب و تدخین ایله اعمال اولنان
٧ نوامس صغیردن تركیب و تكمیل ایله یاپلان
٦ نوامس صغیردن تركیب و حبوبات ایله یاپلان
٢٦ نوامس صغیردن عزایم و تدبیر و تركیب و طلسمات ایله یاپلان
٦٣
بونلرك تعریفاتی میاننده بر طاقم اشیا مواجزا اسملری حروف قدیمۀ هندیه ایله یازلمش
و حروف مزبوره+نك حروف تركیه+یه تطبیقی شو وجهله تحقیق اولنه+بیلمشدر
١ ب ب د ص و ر ع ط ی ا لن م ع یی ی پ ع قر غ پ ود پ ر غ ك