سیلان — یرلی لسانده (سنغلا) نامیله معروف و هند انكلیزیده مشهور بر اطه+در اشبو اطۀ هندستانده قروماندل ساحلندن منعار
و پالق كورفز+لری ایله تفریق اولنور طولا درت یوزیكرمی عرضا ایكی یوز التمش بش كیلو+مترو مساحه+سی و ایكی ملیون نفوسی اولوب كرسئ اداره+سی قولومبو شهریدر و بر طاقم اوفاق حكومتلرك مراكز اداره+لری اولان قاندی نه غومبو ترنكه مانی منعار دخی جسیم شهرلریدر شمال و شمال غربیده سواحلی مستوی اولوب وسط دریاده آدم جسری نامیله شهرت بولان قیا و قوم ییغنلری سلسله+سی اطه+یی قره+یه وصل ایدر. موسم و طبع هواجه اطه+یی ایکی مختلف قسمه تقسیم ایدن و بر طاقم جسیم اورمانلرله مستور اولان طاغلرینك نقاط عالیه+سندن ایكی بیك مترو ارتفاعنده بولنان بر نقطه+یه (آدم زروه+سی) دیرلر و جنوب غربی+یه طوغری اراضیسنك قوۀ نابته+سنی فوق الغایه ثنا ایدرلر. دارچبن و جوز بوا و قاقوله كبی خط استواده بولنان بالجمله نباتات بوراده دخی حاصل اولور و فیل و قپلان و صرتلان و امثالی وحشی حیوانات و اشجار ثمینه وسائر هر درلو معدنیات بولنور
اهالیسی اولا یرلیلر شانقاله+لر و اده+دالر ثانیاً مالابارلر و افریقانك جهات مختلفه+سندن کلمش مسلمانلرایله سكز بیكدن اون بیكه قدر ابلاغ اولنان آوروپالیلردر. اشبو اطه ابتدا پورتكیزلره و صكره یعنی( ١٦٥٦ م و ١٠٦٧ ه)+ده فلمنكلره و ( ١٨٠٢ م و ١٢١٧ ه) تاریخنده دخی امیه+نس مصالحه+سی موجبنجه قطعیاً انكلیزره انتقال ایتدی. سیلان والیسی انكلتره حکمداری طرفندن طوغریدن طوغری+یه تعیین اولنور