لغات تاریخیه و جغرافیه

Lugat-ı Tarihiyye ve Coğrafiyye

سیللا قورنه+لیوس

سیللا قورنه+لیوس —( ٥٤٥٧ خ) تاریخنده یعنی میلادك یوز اوتوزیدی سنه مقدمنده قورنه+لیوس خاندان قدیمندن نشأت ایتمش رومالو بر مشهور جنرالدر ابتدای حالنده افریقاده بولنان جنرال (ماریوس)+ك خدمتنه كیره+رك مظهر امنیتی اولدیسه ده مؤخراً موریتانیا قرالی (بوقوس) ایله مذاكره+یه مأمور اوله+رق مومی الیه واسطه+سیله نومیدیا قرالی )(ژوغورتا)+یی تسلیم آلمسی اوزرینه جنرالك جالب چشم حسد و رقابتی اولمشیدی( ٥٥٠٣ خ)+ده دخی قپادوقیا تختندن خلع اولنان (اریوبارزان)+ی ابقا مأموریتیله كیدوب پارتیه حكمداری ایله عقد اتفاق ایتدی و ایتالیایه عودتنده محاربۀ داخلیه+یه اشتراك و ایكی سنه صكره ستابی و پومپه شهرلرینی ضبط و سامینومی تحت حكمنه ادخال ایدوب محاربه+یه نهایت ویردیكنه بناء قونسل تعیین اولندی و براز صكره مهرداده قارشو آچیلان محاربەنك نظارتنی دخی درعهده ایلدیکی صره+ده رقیبی مرقوم ماریوسك بر صنف اهالی+یی كندوسنه اویدیره+رق علیهنده بر طاقم افساداته تشبثی خبرینی الدیغندن اردوسیله برابر رومایه ناكهانی رجعت و متغلبانه شهره دخول ایله خصملرینی و بالخاصه ماریوسی مجبور فرار ایتدكدن صکره ینه مهردادك اوزرینه یوریه+رك میلادك سكسان یدی سنه مقدمنده آتنه+یی ید ضبطنه الدی انجق برو طرفده مترصد فرصت اولان خصمی ماریوس كندوسنك بو کره ده غبوبتندن بالاستفاده تكرار رومایه كیرەرك طرفدارلرینی قان ایچنده براقدیغی سامعه رس اطلاعی اولدیغندن وقوعی مأمول قوی بولنان فتوحات جسیمه+یه باقمیه+رق علی العجله رومایه دونوب میلادك سكسان درت سنه مقدمنده ایتالیایه وصول و اولا ساقریپور و پرنستده كنج ماریوسی و بعده اتروریره (قاویون)+ی بوزه+رق رومانك سورلری التنده بر مظفریت قطعیه قزاندقدن صكره رومایه كیروب ماریوس فرقه+سندن اون اوچ جنرال ایله اسیر حرب اولان یدی بیك عسكری و اهالیدن دخی بللی باشلی ًبش بیك كشی+یی میدانده قتل و اعدام ایدرك كندو+سنی سناتویه جبرا (دیكتاتور) یعنی حاكم مطلق طانتدیردی بونك اوزرینه جمهوریتك قوانین اساسیه+سنی تغییر و حكومت اعیانی اعلا وسناتو اعضاسنی دریتوزه ابلاغ ایله یالكز سناتویه بر قوۀ قانونیه اعطا ایدرك بو وجهله ایکی سنه غیر محدود بر اقتدار ایله اجرای نفوذه مالك اولدیغی حالده (٥٥١٥خ) تاریخنده یعنی میلادك یتمش سنه مقدمنده استعفا و( پونه اول) قربنه چكیله+رك اوراده دخی بر سنه یشادقدن صكره اللی طقوز یاشنده عیش و عشرت و فسق و فجوره ابتلاسنك ثمره+سی اولان (داء قمفام) یعنی بتلنمك علتیله وفات ایلدی نعشی دبدبه و احتشامله رومایه كتوریله+رك (مارس) میدانده دفن اولنمشدر