سیف الآمدی — اسمی علی بن ابی علی محمد بن سالم الشعلبی كنیه+سی ابوالحسن ولادتی (۱۱٥٥ م و ٥٥۰ ه)تاریخیدر
علم كلام و اصول و فقه و اصول فقه و خلاف و جدل و مناظره و سائر فنده ماهر بر ذات ایدی. مملكتنده بعض مرتبه تحصیلدن صكره عراقه توجیه وجهۀ عزیمت و بغدادده بر مدت اقامتله ابن بنت جنی+دن علم جدل و مناظره+یی و بعده (كرخ)+ده نصاری و یهوده منسوب بعض كیمسه+لردن علم اوائلی اوكرنوب اشبو علم وسیله+سیله خیلی قوت استحصال ایلدی. لكن بو یوزدن ققهای عصری كندوسنه مخاصمه و عقیده+سنه مداخله+یه باشلادقلرندن عراقده طوره+میوب مصره فرار و اوراده علوم اوائله و اصول دین و اصول فقهه دائر اولان تصانیفنی اظهار ایله تدریسه مباشرت ایلدیسه ده ینه علیهنده بعض متعصبلر ایاقلنمسنه بناءً اوراده دخی اوتورمق قابل اوله+مدیغندن قاهره+دن كیزلجه حمایه و بعده شامه كیدوب توطن ایلدی حالبوكه اصحاب اغراض بوراده مصر و شامدن زیاده اولدیغندن بر طاقم بهانه+لرله اتهام و مدرس اولدیغی مدرسه+دن اخراج ایلدیلر بونك اوزرینه بیچاره برقاچ آی خانه+سنده معطل قالوب اندن صكره ( ١٢٣٣ م و٦٣١ ه)تاریخنده ترك حیات فانی ایلدی علم كلامده (ابكار الافكار) اصول فتهده(احكام الاحكام) (كتاب الباهر) فی علم الاوائل) درت جلد (كتاب الحقایق) اوچ جلد (كتاب المأخذ)(كتاب المنتهی)(منایح القرایح) (شرح جدل الشریف) نام كتابلری تألیف ایتمشدر بونلردن ماعدا علم خلافده بر طریقه و تعلیقۀ حسنه+سی و دها سائر اثاری واردر