لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
اسكیمو
Eskimo
اسكیمو — آمریقای شمالیده واقع (لابرادور) و (آلیاسقا) شبه جزیره+لری اهالیسنك اسمیدر و آسیا و اوروپانك شمال طرفلرنده اولان )لاپون) و (ساموید) قوملرینك دخی اشبو اسكیمو جنسندن ایدوكی ظن و تخمین اولنمقده+در. اشبو (اسكیمو)لرك بویلری غایت قیصه صاچ و صقاللری صیق و سرت و سیاه كوزلری اوفاق دیشلری اوزون طبیعتلری ملایم و فتوتلی اولور و كافه+سی وجودلرینه آیی دریسی كیر و بالقجیلق ایله تعیش ایدر. بونلر مقدما بتپرست ایكن والده+سز قالان یتیم چوجقسلرینی والده+لرینك مزارلری اوزرنده ذبح ایدوب چوجغی والده+سزلكدن ناشی دوچار اوله+جغی سفالتدن و كندولرینی اعاشه كلفتندن قورتاره+رق ثوابه كیردیك اعتقاد ایدرلر ایدی لكن شمدیلرده موراوی) مسیونرلری خیلوجه+سنی خرستیانلق دائره+سنه صوقدی و چوجق ذبحی كبی غدر و جهالتلردن قورتاردی. )اسكیمو)لر جوجه+لكلریله برابر خانه+لرینی سكز آرشون یوكسكلكنه قدر كرپیج كبی كسلمش بوز پارچه+لرندن یاپوب ایچنده اوتوررلر و یمكلرینی اغاجدن معمول قازغان و تنجره+لر ایچنده پیشوررلر شویله كه پیشوره+جکلری شیئی ذكر اولنان اغاج تنجره+یه قویوب و آتشده قیزدیرلمش بر طاشی ایچنه صوقوب طاشك قیزغینلغیله نقدر پیشه+بیلور ایسه انكله اغتدا و اكتفا ایدرلر