ابراهیم پاشا — مصر والیسی محمد علی پاشانك اوغلی و سرعسكریدر
١٨١٨ م و ١٢٣٤ ه) تاریخنده حجاز و حرمین الشریفین و حوالیسنی تهدید
ایدن معهود وهابیلری اورالردن دفع ایتمك شرطیله عهده+سنه حجاز و حرمین
الشریفین والیلكی توجیه بیورلدیغندن مصردن بر مكمل اردو ایله كیدوب
وهابیلری پریشان و درعیه+یه قدر تعقیب ایدرك رئیسلری (عبداه) بن مسعودی
و درت نفر اوغللریله بعض منسوباتنی اخذ و مصر واسطه+سیله درسعادته
ارسال ایلدی و (١٨٢٥ م و ١٤٢١ ه) تاریخنده مصر دوننماسیله
موره سفرینه كلوب مسولنك محاصرە+سنده دولت علیه دوننماسنه براز
یاردم ایتدیسه ده قپودان دریا بولنان خسرو پاشا ایله مصر والیسی محمد علی
پاشانك بربرلرینه اولان خصومت قدیمه+سی جدی اعانه+یه میدان براقمدی
و ایكی سنه صكره و قوعبولان (ناوارین) وقعه سنده دوننماسی دولت علیه
دوننماسیله برابر محترق اولدیغندن ابراهیم پاشا عساكر بریه+سنی آلوب مصره
عودت ایلدی و (١٨٣٢ م و ١٢٤٨ ٥) تاریخنده پدری طرفندن دولت
علیه علیهنه سوق اولندیغندن كیدوب عكا و انطاكیه قلعه+لرینی و شام شریفی
آلدی و حمصده حسین پاشا اردوسی و قونیه+ده سردار اكرم رشید پاشا اردوسنی
بوزوب رشید پاشایی اسیر ایتدكدنصكره كوتاهیه+یه قدر كلدی و (١٨٣٩
م و ١٢٥٥ ه) تاریخنده (نزیب) محاربه سنی قزانوب سردار اكرم حافظ پاشایی
دخی طوتدی و (١٨٤٨ م ١٨٦٥ ه) تاریخنده پدرینك شعورینه خلل كلمك
جهتیله حسب الوراثه مصر والیسی اولدیسه ده یتمش بر كوندن زیاده معمر
اوله+مدی.