سیسام اطه+سی — اق دكزده الیوم دولت علیه+نك ممالك ممتازه+سندن بر اطه+در اشبو اطه آسیای صغرانك ساحل غربیسی ایله میقال طاغنك قارشوسنده و ساقز اطه+سنك جنوب شرقیسنده كائن اولوب طولاً قرق التی و عرضاً یكرمی كیلومترو محلی و اللی بیك نفوسی جامعدر مقر اداره+سی جنوبنده كائن (قورا) ویا شورا شهری اولوب (واتی) دخی باشلیجه بر بلده+سیدر الیوم (قرقی) و قدیماً (سرسه+تیوس) نامیله معروف طاغنك بین درتیوز سكسان مترو ارتفاعی و التون كموش و قاسترو طرفلرنده بیاض مرمر معدنلری واردر اراضیسی منبت ویمش و اورمانلری و صیدی كلیت اوزرەدر زیتون و نار اغاجلری و باغلری بولنور سیسام اطه+سنك ازمنۀ عتیقه+ده دخی اهمیت و شهرتی موجود ایدی. فیثاغورس و پرودیقوس و مصور تیمانت و شاعر شه+ریل و مورخ دوریس بوراده طوغدیلر وقتیله (اوره+اون) نامنده بر معبد مشهوری دخی وار ایدی. سیسام اطه+سی پلاژلر طرفندن مسكون اولدقدن صكره له+له+ژلر وقاریه+نلرك كوچلریله كسب عمران ایدرك ایونیلرك اتحادینه كیرمش و اولا قرالیت مؤخراً جمهوریته تحویل اولنوب میلادك التی عصر مقدمنده (پولیقرات) كبی غدارلر النه دوشمش ایدی نهایةالامر فرسلرك ربقۀ اطاعتنی قبول و( ٥١٤٥ خ) تاریخنده یعنی میلادك درتیوز قرق طقوز سنه مقدمنده وقوعبولان (سیتوم) مصالحه+سنده استقلالنی اعلان ایلدی وسكز سنه صكره (پریكلس) وساطتیله اتنه+ده الحاق اولنوب ( پولیپونیز) محاربه+سی اثناسنده اتنه+لیلره صادق قالدی. سیسام بر زمان دخی برغمه قرالیتنه تابع م اوله+رق( ١٢٩ م)+ده بو قرالیتله برابر رومالیلرك یدلرینه کچمش و مؤخراً عربلر و وندیكلر و جنویزلر طرفلرندن متعاقباً ضبط اولندقدن صكره (١٥٥٠ م و .٩٥٧ ه) تاریخنده عثمانلیلره انتقال ایلمشدر. سیساملیلر (۱۸۲۱ م و ۱۸۲٤ م) تاریخلرنده حرباً استقلالینه یلتندیلر ایسه ده هیج برنده اثر
موفقیت كوره+ مدیلر مع مافیه بوكون نیم استقلاله مظهر اوله+رق بر قانون اساسی و برسناتو و بر مبعوثان قماره+لری واردر و بكلری خرستیان اوله+رق باب عالی طرفندن تعیین اولنمقدەدر