سیزوستریس یاخود (رامسس) — مصر حكمدرلرینك اك مشهوریدر روایته نظراً بو حكمدار قوی الاقتدار فلسطین و سوریه واثوریا و مدیا وباقتریان و دون نهرینه دكین ممتد اولان قفقاسیا قطعه+لرینی و آسیای صغرایی و سیقلاتلری ضبط ایتمش و مصردن طقوز سنه غیبوبتندن صكره (ارمایس) نام برادرینك سركشلكنه مبنی اهالی طرفندن اولونان دعوت اوزرنه مصره عودت ایلمشدر
مومی الیه نظامات سیاسیه و قوانین وامور نافعۀ عمومیه وضع و تنظیم و مصری اوتوز التی (توم) ایالته تقسیم و الیوم اكثريسى موجود بر طاقم ابنیه+یی
انشا ایتمکله شان وشهوتك مرتبۀ اقصاسنه نائل و زمان ادارە+سنده مصر عمران مادی و معنوی+یی استحصال ایله معموریتك درجۀ علیاسنه واصل اولمشیدی سیزوستریس سن شیخوختنده اعمی اوله+رق بر خیلی زمان دخی اولوجهله اجرای حكومتدن صكره نهایت قهرندن كندوسنی تلف ایتمشدر بعض مورخین مومی الیهك (٣٩٥١ خ) تاریخنده یعنی میلادك بیك التی یوزقرق اوچ سنه مقدمنده و بعضیلری قبل از میلاد اون بشنجی عصرده تخت مصره اجلاس اولندیغی و سائرلری دخی( ٤٢١١ خ) تاریخنده یعنی میلادك بین اوچ یوز سكسان اوچ سنه مقدملرنده اكثریسی غالب برچوق سیزوستریسلر یاخود امنوفیسلر كلوب مصرده حكومت سوردكلرینی روایت ایدرلر
اوروپا مورخلرندن مانه+تونك روایتنه نظراً بو اسم اون ایكنجی سلالۀ فرعنه+دن امنوفیسك اوغلنه و هرودوته كوره ( ٤٠٩٤ خ) تاریخنده یعنی میلادك بیك بشیوز سنه مقدمنده اون طفوزنجی سلالۀ فراعنه+دن (سه+تی) یاخود سه+توسك اوغلی (رامسس) نام حكمداره اعطا اولنمشدر. بوراده تاریخی مختصراً بیان اولنان ایكنجی رامسس قبل ازمیلاد اون بشنجی عصرك اواخری و اون التنجی+نك اوائلنده اجرای حكومت ایلمشیدی