لغات تاریخیه و جغرافیه

Lugat-ı Tarihiyye ve Coğrafiyye

سیرافی

سیرافی — اسمی حسن بن عبدالله كنیه+سی ابو سعیددر علم (نحو) (فقه) (لغت) (شعر) (عروض) (قوافی) (قرأن) (حدیث) (فرائض) (كلام) حساب) و (هندسه)+ده معرفت عامه و مهارت تامه صاحبی ایدی بغدادده نیجه مدت مسند قضایه زینتبخش عدالت اولمش و تمام اللی ییل خدمت افتا ایله مشغول اولدیغی حالده بر كونه سهو و خطاسی ظهور ایتمامشدر زهد و ورعده دخی رتبۀ كماله واصل اولمغله كرك قاضیلکی و كرك مفتیلکی اثناده اجرت نامیله بر اقچه آلمامشدر
تولدی (سیراف)+ده ( ٨٨٣ م و ٢٧٠ ه) تاریخنده و وفاتی خلافت ( طایع بالله) زماننده یعنی( ٩٧٨ م و ٣٦٨ ه) سنه+سنده+در تصنیفاتندن بری (شرح كتاب سیبویه)+دركه مثلی مسبوق دكلدر (شرح الدریه) (الفات القطع والوصل) ونحوده(اقناع ) (شواهد سیبویه) (المدخل الی كتاب سیبویه ) (الوقف و الابتداء) (صنعة الشعر والبلاغة) (اخبار النحاة البصریین) دخی جملۀ تاألیفاتندندر