سید یحیی+ی شروانی — كبار مشایخ خلوتیه+دندر مومی الیه (شماخی) كبارندن سید بهاءلدین نام ذاتك اوغلی اولوب فوق الغایه بر حسن و آنه مالك ایدی بركون محله چوجقلریله اویناركن شیخ صدرالدین خلوتی حضرتلرینك دامادی پیرزادەنك كوزینه ایلیشوب توجه و دعاسنی آلمغله درحال شیخ مشارالیه حضرتلرینك تكیه+سنه عزیمت و انابت ایلدی و پدری سید بهاءالدین بر مدت سوء ظنده بولنوب شیخك اعدامنه قدر یوریدی ایسه ده صكره اوده واقف حقیقت اوله+رق شیخه انتساب ایتدی. سید یحیی مؤخراً یعنی شیخ مشارالیهك وفاتندن صكره (باكو)+یه هجرت ایدرك باشنه اون بیك قدر مرید و محب طوپلانمش و هر بری فیض انفاسیله چله+یی طولدیره+رق اقطار بلاده انتشار ایلمشدر وقاتی( ١٤٦٣م و ٨٦٨ ه) تاریخنده ایدی طریقت علیۀ خلوتیه بو ذاتدن ابتدا ایدر.(آخر عمرنده التی آی اكل و شربدن انقطاع ایلدیكی منقولدر قبری (باكو)+دەدر