لغات تاریخیه و جغرافیه

Lugat-ı Tarihiyye ve Coğrafiyye

سیدی احمد پاشا

Seydî Ahmed Paşa

سیدی احمد پاشا — سلطان محمد رابع وزراسندن دیندار بر قهرمان ایدی مملكتین واردل و یوده+لری( ١٦٥٩ م و ١٠٧٠ ه) تاریخنده عصیان ایلمسی اوزرینه اولوقت (بدون) والیسی بولنان اشبو احمد پاشا مأموراً كیدوب طرف دولتدن منصوب دیكر ویوده+لری حرباً یرلرینه اوتورتمش(بو محاربه+ده اوتوز بیكدن متجاوز دشمن تلف اولدی) واردله اثنای عودتنده (وارات) جوارنده ارقه+لرندن یتیشان و عسكر اسلامدن نسبتسز درج+ده چوق بولنان قوجه مجار اردوسنی مغلوب و پریشان ایدرك اللی بیك نفر امرا و ضابطان و برچوق افراد اسیر الدقدن صكره یكرمی ذراع عمقندەكی خندقلری صوایله مملو اولان مشهور (آرات) قلعه+سنی دخی قبضۀ تسخیره کچیوردیكی حالده ایرتسی سنه بر سبب مجهول اوزرینه بلغرادده اعدام اولونمشدر. (واه واه واه