سید شریف جرجانی — مشاهیر علمای اعلامدن هرفنده یدطولا صاحبی بر ذاتدر و اسمی علی كنیه+سی ابوالحسن مولدی استرآباد شهریدركه الیوم (جرجان) دینه+یور (شرح مفتاح) (شرح مواقف) (حاشیۀ مطول) (تجرید) كبی اللی قدر تألیفات بدیعۀ متداوله+سی واردر علم معماده دخی مهارت خارق العاده+سی اولوب حتی قواعد مخصوصه+سی ایله بیك اسماء استخراج اولنمق اوزره شو بربیتی (از قدوابرو بدید آن ماه چهر - موج آب دیده ام بلای مهر) نظم ایلمش و بوکا كندوسی دخی لسان استعجاب ایله (كه بیك خانۀ تنك این مهمان عجبست) مصراعنی سویلمشدركه فی الحقیقه بویله برشیء وسع بشردن خارج مثابه+سندەدر
و بو بر بیتدن اسمانك نه طریق و نه قواعدله چیقه+جغنی بلایضاح شرح ایتمشدر بو شرح بر مقدمه یكرمی سكز مقاله و بر خاتمه+ یی شامل جلد كبیر اولوب سوزه شو وجهله نهایت ویرر
بیتی كه یك كتاب بود دربیان او
معلوم نیست كفته كسی غیر این ضعیف
كرده شریف تعمیه دروی هزار نام
زانرا ملقبست بالفیة الشریف
مشار الیه مؤخراً كمل عرفادن خواجه علاءالدین عطار و نظام الدین خاموش حضراتنه دخی ملاقی اولوب اكتساب فیوض باطنه یله علوم ظاهره+دن تجرد ایدرك مشایخ صوفیه صرەسنه کچمش و بو وسیله ایله غائلۀ معلوماتدن قورتلدیغنه تشكر ایتمشدر وفاتی( ١٤١٣م و ٨١٦ ه ) تاریخنده شیرازده+در