سید برهان الدین محقق — كبار اولیاء اللهدن و سادات حسینیه+دندر جلال الدین رومی حضرتلرینك پدری مولانا (بهاءالدین ولد) حضرتلرندن استفاضه ایلدی خراسان و ترمذ طرفلرنده (سیدسردان) دینمكله مشهور ایدی كراماتی نامحدود اولوب ازجمله مشارالیه(بهاءالدین) حضرتلری دیار آخرده وفات ایتدیكی كون مریدانیله بر مجلسده اوتوررلر ایكن دریغ (شیخم بوكون عالم فانیدن رحلت ایتدی) دیمش و اندنصكره مسقط رأسی اولان (ترمذ)+ده اوتورمیوب قونیه+یه هجرت و اوراده مولانا جلال الدین حضرتلرینك طقوز سنه تربیه+لرینه همت ایلمشدر كندوسیله كورشمك ایچون قونیه+یه كلان شیخ (شهاب الدین) سهروردی حضرتلرینه قیام و استفسار حال و خاطره دائر بر كونه ایراد كلام ایلمدیكندن سببنی
صورانلره اهل حال اوكنده زبان حال كركدر. جوابنی ویرمش و بركون دخی حالمی شیخ صلاح الدینه و قالمی مولانایه باغشلادم. تعبیر لطیفنی آوردۀ زبان حقیقت بیان بیورمشدر قبری قیصریه+دەدر. مشارالیه شیخ صلاح الدین كبار اولیادن و سید مشارالیهك اخص مریدانندن ایدی