سیبیللر ویا (سیپه+له) — اسكی یونانلولر و رومالولر طرفندن مورد الهامات ربانیه زعم اولنان كاهنه قادیلره ویریلان نامدر اولوقت رومالولر و یونانلولر فوج فوج كله+رك اشبو سیبیللره مراجعت ایدرلر و بونلر دخی خرافات قبیلندن اولان و اكثریسی ایكی معنایی شامل بولنان سوزلرینی سویلرلر ویاخود اوچیجی یپراقلر اوزرینه یازارلر ایدی بونلردن بعضیلری بر تاریخده رومایه كیدوب رومانك احوال آتیه+سنی حاوی اولان اویدورمه كتابلرینی ایمپراطور (تاركن)+ه صاتدیلر تاركن دخی مذكور كتابلری حفظ و محافظه+ سنی (دوونویر) نام ایكی كاهنه تودیع و كیدەرك كاهنلرك عددینی (كونده سامویر) نامیله اون بشه ابلاغ ایلدی و خیلی زمان مشكلات ظهورنده و سائر امورمهمه+ده بو كتابلره مراجعت اولنمق عادت حكمنه كیردی. سیبیلرك اشبو كتابلری
٥٥١١ خ ده یعنی میلادك سكسان اوچ سنه مقدمنده سیلانك دیكتاتورلغنه بر سنه قاله وقوعبولان قاپیتول حریقنده محترق اولمش و مؤخراً سناتو ایتالیا و یونانستانه آدملر كوندروب بر مجموعه دها یاپدیرمش ایسه ده بونی دخی (هونوریوس) (٣٩٩ م) تاریخنده آتشه آتمشدر