سیبویه - اسمی عمر و بن عثمان كنیه+سی ابوبشر — علم نحوك واضع الاساسی مثابه+سنده اولوب بوفنده تألیف ایلدیكی كتاب بین النحاة دستور العمل اتخاذ اولنمشدر
مرویدركه سیبویه بصرەدن بغدەاده كلوب او ایامده هرون رشیدك اوغلی محمد امینك خواجه+سی بولنان مشهور كسائی ایله بر مجلسده بولشدقده (الكلام یجر الكلام ) مدلولنجه كسائی مناسبت دوشوره+رك سیبویهه عربك شوقولنده (اظن ان العقرب اشدلسعة من الزنبور فاذا هوهی)می دیرسك یوقسه (فاذا هوایاها) دیمكیمی اختیار ایدرسك دیو صورمقله
سیبویه عربدن مسموع اولان(فاذا هوهی)+در نصب جائز دكلدر دیر كسائی خطا ایلدك عرب بو مقوله یرده كاه رفع و كاه نصب اختیار ایدرلر دیه+رك تكرار (خرجت فاذا ازید قائم) می یوقسه (قائماًمیدر) سؤالنی و بوکا مماثل بر خیلی اسئله دها ایراد ایدر+سه ده سیبویه هپسنده نصبی رد و رفعی ترجیح ایلر بناءً علیه بینلرنده تحدث ایدن اختلافه بر نتیجه ویرمك ایچون یحیای برمكی هر ایكیسنه خطاباً (سزدن بریكز رئیس نحاة كوفه و اوبریكز امام علمای بصرە+در ارەكزده بویله بر اختلاف وقوعنده سزه كیم حاكم اولور) دیدكده كسائی قپوكزده اولان عربلرك شهادتی كافیدر حضوریكزه كتوروب صوریكز نصل تكلم ایدرلرسه اویله حكم اولنسون دیر یحیی بوسوزی استحسانله عربلری احضار وكیفیتی استفسار ایلدكده هپسی بردن كسائی+یی تصدیق و اعتراف ایلدكلرندن سیبویه ملزم اولور تطییب خاطری ایچون یحیی اون بیك درهم احسان ایدرسه دە سیبویه پك متأثر اولدیغندن همان قالقوب ایران طرفنه عزیمت و نهایت بو كدرله شیراز قریه+لرندن بیضا نام قریه+ده(٨٠٩ م و ١٩٤ ه) تاریخنده اوتوز ایکی یاشنده رحلت ایدر لكن عربلرك كسائی+یی تصدیقی كندوسنك بر وجه محرر شهزاده خواجه+سی و سیبویهك بالنسبه اعتبارده اندن پك اشاغی بولنمسی جهتیله وقوعبولدیغی محققدر