سیبریا — آسیانك جهت شمالیسنی و همان یالكر آسیای ًروسیه+یی تشكیل ایدن واسع بر قطعه+نك اسمیدر بو قطعه غربا اوروپای روسی شمالاً بحر منجمد شمالی شرقاً بحر محیط كبیر جنوباً تركستان و چین امیپراطورلغی یله محدود اولوب شرقدن غربه یدی بیك و شمالدن جنوبه بیك یدییوز اللی كیلومترو اتساعی و بش ملیونه قریب نفوسی شامل ایسه ده انجق اوچ ملیونه قریبی روسیه دولتی حمایه+سنده در (طوپولسق) (ایرقوتسق) (طومسق) باشلیجه شهرلریدر متعدد طاغلری و كول
و نهرلری واردر شدت برودتی جهتیله اكثری محللرنده و باخصوص اقطار قطبیه+سنده صغر مانتاری ایله یوصومدن بشقه برشیء حاصل اولمز حراثت وفلاحتك اولدقجه نشو و نما بولدیغی بر قیشی سرت و زیادەجه اولان جنوب جهتیدر هواسی صاف و صاغلامدر التون باقر تیمور و احجار ثمینه و پلاتینا معدنلری و قاقوم و زردوا و سمور و سیاه تلكی كبی حیوانلری غایت كثرت اوزره بولنور اهالیسی اجناس مختلفه+دن یعنی تاتار یاقوت فینوا سامواید تونغوس چوجی قالموق قزاق فبیله+لرندندر بونلرك بعضیلری خرستیان و اكثریسی اسلامدر سیبریا روسیه+نك سوركون محلی صاییلور و هر سنه اوچ درت بیك نفوس مجرمین و باخصوص پولتیقه متهملری بورایه كوندریلور
سیبریاده (١٢٤٢ م و ٦٤٠ ه) تاریخنده تاتارلر طرفندن بر خانلق تأسیس اولنمشیدی كه ایرتیسن نهری اوزرنده واقع (سیبر) شهری بو خانلغك مقر حكومتی ایدی روسیه+لیلر بو قطعه+یی (١٥٨٠ م و ٩٨٨ ه) تاریخنده انجق طانیه+بیلوب اول تاریخ اثناسنده (پرماق) نام قزاق قبیله+سی معرفتیله مقر حكومت اولان مذكور سیبر شهری ضبط و تسخیر اولندیغندن بو نام عموم قطعه+یه ویرلدی
سیبریای جدید ویا (لیاخو) اطه+لری. بحر منجمد شمالیده غیرمسكون بر طاقم اطه+لردركه درونلرنده دواب بحریه و تحجر ایتمش اغاجلر و بر نوع بیوك فیل كمیكلری كورلمكدە+در اشبو اطه+لر اون سكزنجی عصر اوائلنده كشف اولندی