سیام — هند چینی شبه جزره+سنك جانب شرقیسنده و (انام) حكومتی اتصالنده بر حكومت مستقله+در بو حكومت (١٨٠٠ م و١٢١٥ه) تاریخنده اوروپالولرله مناسباته باشلامش و مالاقه شبه جزیره+سنك شمال طرفنی و قامبوج غربی اراضیسنی و (لائو)+لرك بر قسم ممالكی تحت تصرفنه کچورمشدر پای تختی اللی بیك نضوسی جامع (یانقوق) شهری اولوب عموم اهالیسی بش ملیون یدی یوز بیك مقداری و مساحۀ سطحیه+سی یدییوز یكرمی التی بیك مربع كیلو+مترودر اهالیۀ مرقومه غایت مونس و خوبرو و مهماننوازدرلر مملكتلرنده انهار كثیره اولوب اره+ده طاشدیغی ایچون اکثر خانه+لری قازیق اوزرنده هند قامشلرندن معمولدر وكلا حضور حكمداری+یه كیرركن یوز اوزری سورینه+رك كیررلر و هله آحاد ناس حكمداری هیج كوره+مزلر ایمش سیامك وسعت و قدرتی ایچون (حكومت) كلمه+سنه مراجعت بیوریله