سه+نَكْ — مهرۀ ارباب بلاغتدندر مومی الیه بو نامده بر فیلسوفك پدری اولوب ( ٥٥٣٦ خ) تاریخنده یعنی میلادك اللی سكز سنه مقدمنده قرطبه شهرنده طوغمش و روماده بر مكتبده تدریس ایله مشغول اولدیغی حالده ( ٢٣ م) تاریخنده وفات ایلمشدر
حیرتبخش عقول بر قوۀ حافظه+سی اولوب حضورنده بر دفعه تلفظ اولنمش اولان ترتیبسز ایكی بیك الفاظ و اسامی+یی حفظ ایده+بیلر ایدی. ایكی مجموعۀ خطبه+سی واردر برنجی مجموعه+سی بر و ایكنجیسی اون جلددن عبارت ایدیسه ده شمدی یالكز بر قسمی موجوددر (له فراع) نام فرانسز مؤلفی بونلری فرانسزجه+یه ترجمه ایلدی
مومی الیهك اوغلی سه+نك دخی فیلسوفلق و فصاحتده باباسندن اشاغی دكل ایدی بو ادم ابتدا اووقاتلق صكره رواقیون مسلكی اوزره مكتب خواجه+لکی ایدوب بر اره+لق قستورلق مسندینه دخی نائل اولدیغی حالده بعض اسبابه مبنی قورسیقه+یه نفی و سكز سنه صكره بعدالاطلاق هنوز تحصیل ایله مشغول اولان ایمپراطور (نرون)+ه خواجه اولدی و مومی الیهك جلوسندن صكره ایتدیكی مظالم و حقارته تحمل ایده+مدیكندن آلدیغی احسان و عطایایی رد ایدرك كوشۀ عزلته چكلدی و دیلی طورمدیغندنمیدر ندر (٦٥ م) تاریخنده نرون طرفندن كوندریلان اتهامنامه اوزرینه اعدام اولنه+جغنی اكلادیغی كبی بیچاره كندو الیله طمرلرینی كسه+رك تارك معرفتخانۀ
فنا اولدی
مومی الیهك فلسفه+یه دائر خیلی تألیفاتی و ایولك و غضب و اطمئنان نفس و نقصان عمر و عنایت ربانیه و ثبات عقل و اخلاق حقنده یوز یكرمی درت عدد مكتوباتی و اون عدد حكایات مفجعه+سی واردر وكافۀ اثاری لاتینجه+دن فرانسزجه+یه ترجمه و طبع اولنمشدر