سومه زقلود — مشهور اوروپا عالملرندندر ( ١٥٨٨م و ٩٩٧ه) تاریخنده فرانسه+ده سمورانكسواده تولدو (۱٦٥٤ م و ۱۰٦٥ ه) تاریخنده وفات ایلمشدر اولا پدرندن درس کوروب بعده بعص عالملر ایله ربط رابطۀ مناسبات ایدرك علوم مذهبیه وطبیه و تاریخیه و آثار عتیقه كبی فنونی تدرس و تكمیل و كندو باشنه فارسی وكلدانی وعربی و قبطی لسانلرینی تحصیل ایتدكدن صكره برچوق زمان اجرای سیر و سفر و پك اركندن پروتستان مذهبنی قبول ایتمكله بو مذهبی سربستانه اجرا ایچون فلمنكی ملجاء و مقر اتخاذ ایلدی بر خیلی زمان دخی لیدیده اقامت ایتمشدر. (سومه+ز) بر اره+لق اویله بر عمومی شهرته نائل اولمشیدی كه كندوسنی ایدنمك داعیه+سی قراللر بیننده بیله بیاغی منازع فیه بر مسئلۀ مهمه رنكنی المشیدی حتی (ریشیلپو) و (مازارین) فرانسه+ ده و (قریستین) اسوجده توطن ایتمسی ایچون پك چوق چالیشوب نهایت فرانسه+ده ایكنجی شارلك پدری برنجی شارل حقنده عزو و اسناد قلنان تهمتك رد وجرحنی حاوی مقاله+یی تحریره مأمور اولدی
اشبو مقاله مؤخراً میلیتون ایله سومه+ز بیننده ظهور ایدن بر مطارحۀ شدیده+نك سبب یكانه+سی
اولمشدر
سومه ز برچوق مؤلفلرك تصنیفاتنی شرح و تفسیر ایتدی و سكسانی مطبوع و التمشی غیر مطبوع یوز قرق مؤلفات ترك ایلدی لیدیدن غیبوبتی اثناده لیدی اهالیسنك كندوسنه كوندردیكی بر دعوتنامه+ده (دنیا كونشسز اوله+مدیغی كبی لیدی هیئت معارفی دخی (سومه+ز)+سز اوله+مز) عباره+سی محرر
ایدی لكن هر كوزلده بر قصور اوته+دنبرو مفطور اولدیغندن بو عالمك دخی تألیفاتنده كوریلان بر طاقم سب و شتم و بدزبانلقر و دائرۀ ادب خارجنده عجیب و غریب رأیلر مؤخراً بادیء مذمتی اولمشدر