لغات تاریخیه و جغرافیه

Lugat-ı Tarihiyye ve Coğrafiyye

سومنات

سومنات — هندستانده اسکی هند مجوسلرینك كعبه+سی مثابه+سنده بر پتخانه+نك یاخود بولندیغی مملكتك اسمیدر هندیلر هر خسوف وكسوفده اشبو پتخانه+یی زیارت ایدرلر و دریالرك مد و جزری بوكا بر عبادت مخصوصه اولدیغنی و ارواح امواتدن كندوسنه صیغنان و زیارت ایدنلرك ساحل سلامتده بولنه+جقلرینی اعتقاد ایلرلرایدی. دروننده هركون زوارك صاچ و صقالنی تراش ایتمك ایچون اوچ یوز بربر و ساز چالوب اوینامق اوزره بش یوز جاریه و اقلی بیك قدر زوار بولندیغی منقولدر سلطان محمود غزنوی (۱۰۲٥ م و ٤۱٦ ه) تاریخنده شهر مزبور اوزرنه كیدركن هندیلر (سومناته كیمسه برشیء یاپه+مز بورایه سوء قصد ایدنلر البته بلا+سنی بولور)دیو قاز كبی اوتوروب سیرجی اولمشلر ایدی سلطان مشارالیه كلوب مملكتی ضبط وپتی پتخانه+یی خاكله یكسان ایدنجه بیچاره+لر نه+یه اوغرادقلرینی بیله+میوب پته دوندیلر و قوجه پتك یغما كران النده التون و کموش و مجوهراتله مزین قولی قنادی قیریلور ایكن غلوغلو و دیو پك چوق آغلاشوب سیزلشدیلر