سولون — حكما و شعرای یونانیه+دن و اتنه قرالی متوفی (قودروس)+ك اخفادندندر. اوائل حالنده بیوك مأموریتلرده بولندیسه ده مؤخراً امور ادبیه و سیاسیه+یه كسب وقوف ایچون ترك مأموریتله مصره كیده+رك اوراده اكتساب علم و معرفت ایلدی عدالت مجادله+یی دفع ایدر
کلامی ورد زبانی اولدیغندن (٥٠٠٠ خ) تاریخنده یعنی میلادك بشیوز طقسان درت سنه مقدمنده آتنه+ده آرخون تعیین اولندیسه ده ترتیب و اعلان ایلدیکی جمهوریت قانونی بکنلمامك حسبیله كوجنوب ترك وطن ایتدی وقبریسه كیدوب اوراده بر مدت كمال فقروفاقه ایله یشادقدن صكره (٥٠٣٦ خ) یعنی میلاددن (٥٦٢) سنه مقدمنده یتمش سكز یاشنده بولندیغی حالده عالم بقایه كیتدی. مومی الیه رشد و كیاست و ثبات واستقامت اصحابندن غایت نطوق و شجیع بر ذات اولوب مملكتنی خیلی وارطه+لردن قورتارمشدر
خیر الامور اوسطها) كلام حكیمانه+سنی ابتدا بو سویلدی دیرلر ترتیب ایتدیکی سالف الذكرقانونك بعض فقره+لری (قانون) كلمه+سنده كوریله+بیلور بو قانون مومی الیهك وفاتندن صكره آتنه+لورك نزدنده كركی كبی اعتبار بولدی