اسكندریه — مصر سفلاده اسكی مرؤوتیس كولی ایله دكز
آره+سنده واقع دیل اوزرینه اسكندر رومینك امریله بنا اولنمش بر شهر شهردر
مقدما نفوسی طقوز یوز بیك راده+سنده ایكن عصر اخیرده بر آره+لق اللی
التمش بیك راده+سنه تنرنل ایدوب والی محمد علی پاشا مرحومك زمانندنبرو
درت بشیوز بیكی بولمشدر. و ابنیه+سی و سرایی و بیك بر دیركلی جامع
شریف و چارشوسی و میدان و مسیره+لری غایت منتظمدر ساحلدن بیك
اوچیوز مترو آچیقده بولنان (فاروس) اطه+سی اوزرینه (٥٣١١ خ)
تاریخنده یعنی میلادك ایكیوز سكسان اوچ سنه مقدمنده ملوك بطالسه+دن
برنجی (پتوله+مه) معرفتیله یاپیلان فنار قله+سی عجایب سبعۀ عالمدندر بو
قله سراپا بیاض مرمردن مربع الشكل و غایت اوزون بر بنا اولدیغی حالده
اوزرینه خارجدن چیقیلور ایدی اویله بر اثر عجیب بیك بشیوز سنه قدر
پایدار اولوب (١٢٥٣ م و ٦٥٠ ه) تاریخنده انهدامه باشلایوب كیدرك بتون
بتون ییقلمش و شمدی انقاضی بیله قالمامشدر.
اسكندریه اهالیسی برقاچ دفعه اختلال چیقاردقلری كبی (٤٧ م) تاریخنده
دخی بر اختلال چیقاردقلرندن حمایه+سنده بولندقلری روما دولتی طرفندن
كوجله باصدیولدی اولوقت (سرابیس)ك یدییوز بیك كتاپی جامع
اولان مشهور كتبخانه+سی محترق اولدی و مصر ایله برابر اسكندریه
٢١١ م) تاریخنده ایرانلولرك و (٦٤٠ م و ٢٠ ه) تاریخنده (عمرو بن العاص)
قومانداسنده اولان مسلمانلرك ید ضبطنه كچدی. اسكندریه و حوالیسنده
خیلی اثار عتیقه بولنور.
اشقودرەنك نام صحیحی و بغداد ولایتنه تابع منتفق سنجاغنده بر قصبه+نك
اسمی دخی (اسكندریه)در