لغات تاریخیه و جغرافیه

Lugat-ı Tarihiyye ve Coğrafiyye

سوفسطائیه

سوفسطائیه — لسان یونانیده صاحب حكمت معناسنه ایسه ده مؤخراً برطاقم دعاویء باطله+ده مجرد الزام خصم ایچون مغالطه و سفسطه+یی التزم ایدنلره علم اولمشدركه بو تقدیرجه حقسز اوله+رق یالكز چكه قوتیله دعواسنی قزانمغه چالیشان آووقاتلره دخی (سوفسطائی) دینه+بیلور
مذاهب فلسفیه+ده اولان اختلافه قارشو حق و ناحق مباحثه+یه كیریشوب شك عملی وجوده كتورنلره ده (سوفسطائی) دیرلر (فلسفه) كلمه+سنه مراجعت بیورله . بونلر (لاادریه) و (عنادیه) و (عندیه) یعنی اعتقادیه شعبه+لرینه منقسمدرلر. سفسطه مذهب عد اولنه+ماز زیرا مذهب اصول و قواعده محتاج اولوب بونلرایسه قواعدی منكر ودلیل و برهان تحریسندن مستغنیدرلر