سوسیالیسم — مشتركلر طرفداری معناسنی تضمن ایدن — بو کلمه فرانسزجه اولوب حتی فرانسه+ده ایلك دفعه اوله+رق (۱۸۳٥ م و ۱۲٥۱ ه) تاریخنده (ره بود) نامنده بری طرفندن تفوه اولنمش ایمش. بونام كرۀ ارض اوزرنده كویا سعادت تامۀ بشریه+یی وجوده كتوره+بیله+جكی زعم اولنان قواعد سیاسیۀ متصورۀ مختلفه+یه ویریلور. قواعد مذكوره+یه قائل اولنلرك باشلیجه+لرندن بر طاقمی حقوق تصرفیۀ شخصیه و حقوق ارثیه+یی الغا فكر فاسدنده اولوب (قوممونیست) نامیله یاد اولنورلر. رأس المال وفائض اصوللرینی الغا و املاكی اشتراك صورتنه تحویل طریقیله ترتیب و اصلاح عمل فكرنده بولنان دیكر طاقمنه ده (سوسیالیست) نامی ویرلمكده+در.
برنجی طاقمك خدمت ایتمكده اولدقلری افكار فاسده سیاسیوندن (مینوس)
و (لیقورغ) نام ذاتلرك اثرلریله افلطونك ) (جهوریت موهومه) نام اثرو كبی آثار عتیقه+دن مقتبس اولوب قرن اخیرده صور مختلفه اوزره نشر و تدریس اولنمش و بوكونكی كون (انترناسیونال) نامیله یاد اولنان جعیتنك اساس فكر فاسدینی نشكیل ایلمشدر
بونلرك خدمت ایتمكده اولدقلری افكارده عمومیت اوزره كوریلان فساد حقوق و وظائف بشریه+نك اك اساسلی قواعدینی طانیمق استمدكلری حالده قواعد مطلقه و كیفیه وضعیله حسیات بشریه+یه حاكم اولان قوانین طبیعیه خارجنده و غیر قابل دوام بر هیئت سیاسیۀ موهومه تشكیلی زعمیدر