لغات تاریخیه و جغرافیه

Lugat-ı Tarihiyye ve Coğrafiyye

سوسور

سوسور — طبیعیوندندر (۱۷٤۰ م و ۱۱٥۳ ه)+ده جنوه+ده تولد و( ۱۷۹۹ م و ۱۲۱٤ ه) تاریخنده وفات ایلدی بو ذات ارباب فن زراعتدن آثار نافعه صاحبی مشهور نیسوفورسوسورك اوغلی اولوب فلسفۀ طبیعیه+یی جنوه+ده او كرندكدن صكره انكلتره فرانسه المانیا وایتالیایه سیاحت و الپ طاغلری كبی برطاقم جبال عالیه و مرتفعه اوزرنده تحریات عمیقه+یه نصب نظر امعان و همتله علم معادن وطبقات الارض و علائم سماو علم نباتاته تقدیری ناممكن بر خدمت ایفا ایدرك بو سایه+ده علوم مذكوره مؤسسلری صره+سنه کچمشدر الكترومتر یعنی میزان سیالۀ برقیه وایغرومترو یعنی میزان رطوبت هوا ومیزان احراره و میزان الهوا و اوریومترو یعنی غاز و هوانك تمیزلكنی تمییز ایچون موضوع اولچویه مماثل متعدد آلات مومی الیهك موفق اولدیغی مخترعات ویا تصحیحات جمله+سندندر الپ طاغلرنده یاپمش اولدیغی درت جلد سیاحتنامه+سی باشلیجه اثری و رطوبت هوایه دائر یازدیغی كتاب دیكر براثر معتبریدر
مومی الیهك اوغلی اولان تؤدور سوسور دخی خقیقةً باباسنك اوغلی اولوب (۱۷٦٤ دن ۱۸٤٥ م) تاریخنه دكین علم حكمت و كیمیایی نباتی+یه دائر وقوعبولان كوزل سعیلری سایه+سنده شهرت آلمش و خصوصاً ١٨٠٤ده نباتاته دائر تحریات كمیویه+سی اون سكزنجی عصرك اك زیاده اهمیتی حائز اثار نادره+سندن بولنمشدر هوای نسیمی و حامض فحمینك تحولاتی ویپراق وچیچكلرك هوا تركیبی اوزرنده اجرا ایلدكلری تأثیراتی حقنده ملاحظات مفیده+سی دخی واردر