لغات تاریخیه و جغرافیه

Lugat-ı Tarihiyye ve Coğrafiyye

سوس / سوسا

سوس یاخود (سوسا) — خوزستانده قدیم بر شهردر شمالده قره صو ویا شواسب نهری اوزرنده بولنور وقتیله ملوك كیانیه+نك قیش مقری ایدی تأسیسی مأمون خلیفه+یه حمل ایدیلور اشبو شهرده عجم شاهلرینك دبدبه فروش بر سرایلری اولوب مومی الیهم خزینه+لرینك قسم اعظمنی اوراده حفظ ایدرلرایدی الیوم شستر قربنده كونه ایفورم یازولری ایله برابر شهرك خرابه زاری قالمشدر
سوس یاخود (سوزا) — ایتالیانك پیه+مون ایالتنده بر شهردر جوارنده چیقان بر نوع یشیل مرمر سوز مرمری تسمیه ایدیلور اوغوستك شرفنه اولمق اوزره بیاض مرمردن مصنوع طاق الغزاسی شایان تماشادر. (سوز) ایتالیانك سبنی طاغیله جنوه طاغنك ایكی بیوك یولی ملتقاسنده ایتالیانك مفتاحی مثابه+سنده بر موقعك دخی اسمیدر (خوزستن)+ك عمومنه سوزیان دخی دیرلر. (خوزسنان) كلمه+سنه دخی نظر بیوریله