سوریه — كتب مقدسه+ده آرام و لسان عربده برالشام نامیله معروف بر ولایت جسیمه+در بو ولایت غرباً بحر سفید شمالاً آسیای صغری شرقاً فرات جنوباً عربستان ایله محدود اولوب شمالدن جنوبه طولا التی یوز و عرضاً ایكی یوز سكسان كیلو+مترو مساحه+یی و ایكی ملیون درت یوز بیك نفوسی و ممتاز اولان (جبل لبنان)+دن بشقه شام لاذقیه طرابلس بیروت عكا بلقا حوران حما سنجاقلرینی حاویدر سوریه ساحله همجوار ایكی مواذی سلسلۀ جبالی تشكیل ایدن لبنان طاغلریله مستور و اشبو ایکی سلسله بیننده طولاً یتمش سكسان و عرضاً اون بش كیلومترو امتداد
ایدن اووده واقع اولدیغندن مقدما (سه له سیری) ویا چقور سوریه تسمیه اولنورایدی
العاصی (نام قدیی اورونت) سینانی (قدیمی له اونت) اردن وبرده سوریه نهرلرینك باشلیجه+لریدر (برده كلمه+سنه نظر بیوریله) صحرالری سیجاق و طاغلری معتدل و بعض محللری مستثنا اوله+رق اراضیسی غایت محصولداردر
خرما فستق قایصی لیمون زیتون اغاجلری و پموق چوید شكر قامشی دخان محصولاتی و میوه+سی پك چوقدر وقتیله حركت ارض صیق صیق وقوعبولدیغندن بحرلوطه طوغری برچوق و ولقان اثرلری و قدیم یهودیه+ده خیلی زفت و كوكرد منبعلری كورلمكده+در شام اسلحه+سی اعمالاتنه مخصوص فابریقه+لری وزرین اقمشه و حلب حریرندن معمول اقمشه دستكاهلری انحطاط بولمقده ایسه ده تجارتی سواحل اوزرنده و باخصوص شام و لاذقیه و طرابلس و بیروت كبی شهرلرنده غایت رواجلی اولوب فقط تجارتك قسم اعظمی یهودیلرایله اوروپالیلر الندەدر. اهالیسنك اكثریسی عرب و تركلردن مركب اولوب بعض قضا و نواحیسنده اسماعیلیلر درزیلر مارونیلر سامریلر دخی بولنور. سوریه+ده موجود اهالیء قدیمه وقتیله مملكتلرینه آرام نامی ویررلر ایدی فی الواقع توراتده دخی بونلرك سام اولادندن آرامك محصول نسلی اولدقلری محرردر
جما و (ژسور) و (سوناه) و شام بر زمان داود و سلیمان علیهماالسلام حضراتی طرفلرندن و یركویه ربط اولنمش و بر مدت اثوریا و بابیلونیا و فرس حكمدارلرینك و مؤخراً اسكندرك ٥٢٩٢ خ تاریخنده یعنی میلادك اوچیوز بر سنه مقدمنده ایپسوس محاربه+سی وقوعندن صكره سلوسیدلرك حمایه و اداره+سنه کچمش و سوریه+نك مصر ایله مخاصماتی و اشكانیلرك مهاجماتی و (٥٤٠١خ) تاریخندن بدأ ایله اوچ سنه دوام ایدن رومالولرك محارباتی و بلاد یهودیه+نك قیامی و خندان قرالینك بری برلرینه رقابتده دوامی كبی احوال سلوسید حكومتنك زوالنه سبب اولمش و(٥٥٣٠خ) تاریخنده یعنی میلادك التمش درت سنه مقدمنده رومالولره و (٦۳٤ م و ۱۳ ه) تاریخنده اسلامه انتقال ایلمش ایدی مؤخراً ایوبیلر عباسیلر طولونیلر فاطمیلر سلچوقیلر و (۱۱٥٤ م و ٥٤۹ ه) تاریخنده اتابكلر و بعضاً ملوك مصریه دخی بوراده حكومت سوروب نهایت سلطان سلیم اول حضرتلری(١٥١٧م و ٩٢٣ ه) تاریخنده ضبط ایلدی اكرچه بر اره+لق فخرالدین نام درزی امیری زماننده و جزار احمد پاشا و+قتنده بعض اختلالات ظهوره كلدی و (١٨٣٣ م و ١٢٤٨ ه) تاریخنده وقوع بولان قونیه محاربه+سندن صكره دولت علیه طرفندن محمد علی پاشا اداره+سنه براغلدیسه ده ینه استرداد اولندی و (۱۸٦۰ م و ۱۲۷۷ ه) تازیخنده درزیلر خرستیانلر علیهنه بر اختلال چیقاروب بعض یغما و قتال و قوعبولدیغندن و فرانسه دولتی التی بیك عسكر و انكلیز دولتیله دوننما سوق ایلدیكندن طرف دولت علیه+دن دخی فوأد پاشا كیدوب تشكیل اولنان مختلط قومیسیونده اختلاله سبب اولنلرك و شام والیسی مشیر احمد پاشانك اعدامنه وبر چوق تضمینات اعطاسنه قرار ویرلدی. (شام) كلمه+سنه دخی مراجعت بیوریله