سورات — هندستانده واقع كچراتده (تاپتی) نام نهركصول كناری اوزرنده و بومبایك ایكی یوزیتمش كیلومتیو شمالنده بر شهردر اكثریسی مجوسی اولمق اوزره نفوسی ایكی یوز بیك تخمین اولنمقده+در و سوقاقلری طار و طولاشق وخانه+لری مرتفع و لیمانی اولدقجه الویرشلیدر. سورات غایت قدیم و مجوسیلرجه مقدس بر شهر اولدیغندن فوج فوج كلوب زیارت ولسانلرنجه مكه قپوسی تسمیه ایدرلر. امید بورنی كشف اولنه+لیدن برو سورات طریق تجارتده كرکی كبی شهرت بولدیسه ده شیمدی اوقدر اهمیتی یوقدر. (۱٥۷۲ م و ۹۸۰ ه) تاریخنده مغوللر بوراسنی ضبط و (۱٦۱۲ م و ۱۰۲۱ ه)+ده هندانكلیز قومپانیه+سی برنجی هندستان شركتنی بوراده تأسیس ایلدی و مؤخراً فرانسزلر و فلمكلیلر دخی اول عمتیازك عیننه نائل اولدی و (۱٦٦٤ م دن ۱۷۰۷ م) تاریخنه دكین ماهراتلر هجوم ایلدیلرسه ده ضبطنه دسترس اوله+مدیلر و اك صكره بعنی (۱۸۰۰ م و ۱۲۱٥ ه) تاریخنده انكلیزلر قطعیاً ضبط و تصرف ایلدیلر