لغات تاریخیه و جغرافیه

Lugat-ı Tarihiyye ve Coğrafiyye

اسكندرون

İskenderun

اسكندرون — حلب ولایتی داخلنده و بحر سفید ساحلنده و حلبك یوز یكرمی درت كیلو مترو بعدنده و جهت غربیسنده بر شهردر و لیمانی اولدقجه ایشلكدر. بونی ممالك یهودیه حكمدارلرندن ایكن ٥٥١٦ خ) تاریخنده یعنی میلادك یتمش سكز سنه مقدمنده وفات ایدن علكساندری تأسیس ایلدیكیچون برچوق مدت )علكساندریامینو) نامیله یاد اولنوب صكره اسكندرون نامی زبانزد اولدی. یهودیلرك علكساندری نامنی قبولی اسكندر رومینك مصرده ایكن امر و تنبیهنه یاخود خشنودلقلرندن ناشی بر خلوصكارلغه مبنی ایدی زیرا صكره ینه ترك اولنمشدر.