سودان یاخود (نیغربتی) — رنكلری اقجیل اولان (فلات) و (فللانی) و (فولبه) قبیله+لرین دخی شامل اولدیغی حالده افریقا
قطعه+سنده جهت غربیه+دن بدأ ایدرك (نیزر) نهری حوضه+سی بوینجه (سه+غو) (جنه) (ماسینا) (طومبوقتو) (سقاتو) (قانون) و امثالی بر چوق حكومت و ممالكه انقسام ایدن قطعۀ كبیرەدر. (جاد) كولنه طوغری یایلمش و مقری قوقا شهری بولنمش اولان (بورنو) حكومتی و (باغیرمی) و (قانم) حكومتلری هپ اول حوالیده بولنور. جنوب جهتنده+کی — )(اداماعووا) بر حكومت مستقله ایسه ده شرق جهتنده اولان (واددای) (دارفور) (قوردوفان) و (نوبه) ممالكی و نیل ابیض جوارنده بولنان (دینغا) (شلوق) (ینام) قبائی خدیویت مصریه مستملكاتندندر بلاد تكروریه دخی طرابلس غربك كیروسنه دوشر