لغات تاریخیه و جغرافیه

Lugat-ı Tarihiyye ve Coğrafiyye

سن ونسان

سن ونسان — علم هندسه مهرۀ اربابندندر (۱٥۸٤ م و ۹۸۳ ه)+ده نوروچده تولد و (۱٦۹۷ م و ۱۱۰۹ ه)+ده وفات ایلدی روماده جزویتلرك نزدینه كیدوب معلمی اولان قلاویوسك یرینه ریاضیات معلمی اولدیغی حالده ایكنجی فردینان طرفندن پراغه دعوت اولنه+رق بو شهرك محاصرەسی اثناده اسوجلیلر طرفندن آلدیغی جر یحه و ایكنجی فیلیبك طلبی اوزرینه اسپانیایه كیتمشیدی بر مدت دخی آوستریا دون ژاوننه ریاضیات درسی ویروب غاند شهرینك كتابجیسی اولدیغی حالده اوراده وفات ایلدی. هندسه+یه دائر بر چوق تألیفات و كشفیات مهمه+سی واردر سن ونسان اطه+سی — انكلیز انتیللرندن بریدر اشبو اطه یوز كیلو+مترو دورنده اولوب اوتوز بیك نفوسی جامعدر شكر چوید قهوه كبی محصولاتجه اراضیسی غایت منبت اولوب اراضیسندن اون ایكبیك هكتاری زرع و قلاحت اولنیور ایسه ده باقیسی كافوری و ضمغ اغاج+لریله مملو اورمانلردن عیارتدر اشبو اطه قریستوف قولومبو معرفتیله كشف اولندیغی كون سن ونسان یورطیسی اولدیغندن او نام ایله بنام اولدی. سن ونسان برونی — ارغراو ایالتنده پورتكیز و بالجمله آوروپا قطعه+سنك جنوب غربی نقطه+سنی تشكیل ایدن بروندر (۱٦۹۳ م و ۱۱۰٥ ه)+ده تورویل بوراده انكلیز و فلمنك دوننماسنی بوزدی . (۱۷۸۰ م و ۱۱۹٥ ه)+ده سوون التمش درت عدد انكلیز و فلمنك سفاینندن مرتب بر دوننمایی اخذ ایلدی و (۱۷۹٦ م و ۱۲۱۱ ه)+ده ژرویس نام انكلیز امیرالی اسپانیا محاربه+سنده كندوسنه لورد سن ونسان عنواننی اعطا ایدن مظفریتی قزاندی