سنغامبیا — افریقای غربیده بر قطعۀ وسیعه+در اشبو قطعه شمالدن جنوبه و صحرادن سیرالئونه قدر ممتد اولدیغی كبی غربدن شرقه دخی بحراطلاسیدن نقریسیای وسطایه دكین ممتداولور طولاً غربدن شرقه بیك اللی و عرضاً التی بوز اللی كیلومترو اتساعی اولوب اون ایكی ملیون نفوسی جامعدر. بوراده بولنان ممالكدن (سن لوئی) شهرجسیمی و غوره جزیره+سی و (داقار) لیمانی و (اوعالو) حكومتی فرانسه مستملكاتندن اولدیغی كبی (غامی) نهری اوزرنده واقع بعض مواقع انكلیزلرده و منتهای جنوبیسنده كائن بر طاقم یرلر دخی پورتكیزلرده+در و بونلردن بشقه دها خیلی مستقل حكومات صغیره واردر و حكومات مذكوره+دن اك بیوكلری (براق) و (فولاح) حكومتلریدر مع مافیه اوروپالولر بورالره دخی تصرف ادعاسنده بولنورلر. سنغامبیاده مضر و دهشتلی فورتنه+لر اكسیك دكل ایسه ده بر طاقم چوللر مستثنا اوله+رق محصولدار پك چوق ضمغ و فستق اغاجلری واردر و التون توزی و فیل دیشی و بالمومی چیقمقده+در بو قطعه+سنه غال و غامی نام نهرلر ایله اسقا اولندیغندن بو ایکی نام ایله تسمیه اولندی. (سنه+غال مستملكاتی)+نه دخی نظر بیوریله