سن سیمون — ارباب علم ثروتدن و مذهب احداث ایدنلردن بریدر بو ذات فرانسه+ده سلاله+سی شارلمانه واصل اولان (ورماندورا) نام قدیم و معتبر بر فاملیادن اولوب (۱۷٦۰ م و ۱۱۷٤ ه) پارسده تولد و (۱۸۲٥ م و ۱۲٤۱ ه) تاریخنده وفات ایلمشدر ١٧٧٩+ده آمریقاده
وقوعبولان استقلال محاربه+سنده ابراز خدمت ایدرك عودتنده یكرمی اوچ یاشنده اولدیغی حالده میرالای تعیین اولندی فقط كندوسی منافع عمومیه+یه — خادم مواده حصر افكار عزمنده بولندیغندن ۱۷۸٥+ده ترك خدمت عسكریه ایله انتظام بنی بشری مجدداً تأسیسه و فنون و صنایعی تعدیل و تنظیمه چالیشان مشهور كیمسه+لرله كسب موانست و مناسبت و المانیا و انكلتره و ایتالیا+یی سیاحت ایلدكدن صكره محصول فكری اوله+رق بر طاقم مصنفات مختلفه نشر و بیك درلو تجارب عجیبه و مهمه اجرا ایتمسی اوزرینه النده آووجنده حبۀ واحده قالمدی و نهایت (۱۸۲۳)+ده كندو كندوسنی اوروب فقط جریحه+سی اولقدر مهلك اولمدیغندن ینه صاغ قالدی ویکی باشدن ایشلریله اشتغاله باشلایوب اوغوستن تیری و اوغوست قونت و سائر بو كبی بر طاقم مشهور تلامیذ یتشدیردی. اشبو سن سیمون و طرفداراننك خلاصۀ افكاری آچیله+جق علوم و صنایع مكتبلرنده هركس اوقویوب عالم اولمق و زراعت و حراثت حكومت طرفندن بر نظارت متمادیه التنده بولندیریلوب هركسك ذمام اداره+سی ایادی زراعه
تفویض اولنمق و ایشسز كوجسز كزن آدملر مملکتدن طرد ایدلمك والحاصل ادارۀ عمومیه بر اشتراك طبیعی آلتنه آلنوب حق تصرف و مذاهب و فاملیالر ایچون دخی یكی بر اصول یاپلمق كبی اشتراك اموال و عیالی آكدیرر شیلردن عبارت ایدی بونلر خیلی زمان اشبو افكار فاسدە+لرینی ترویجه چالشدیلر ایسه ده عاقبت مخل نظام احوال و اخلاق عمومیه اولدقلری میدان ثبوت و بداهته واردیغندن (۱۸۳۳ م و ۱۲٤۹ ه) تاریخده رسماً اتهام و جمعیتلری پریشان و کمنام ایدلدی