سند — هندستانده غانژ نهرینك بریسنده بر حكمدارلقدر شمال غربیده بلوجستان و شمالاً لاهور و شرقاً كشمیر حكمدارلقلری ایله تحدید اولنور اراضیسی یوز اوتوز یدی بیك كیلو+مترو مربعنده واهالیسی بر ملیون راده+سنده اولوب مقر حكومتی تخمیناً قرق بیك نفوسی جامع اولان (حیدر اباد) شهریدر وقتیله سند خانلری اداره+سنده بولنور ایكن (۷۰۸ م و ۸۹ ه) تاریخنده عراق امیری حجاجك اون یدی یاشنده عمی زاده+سی محمد معرفتیله فتح و اولوقت پای تختلری اولان (آلپور) نام شهرده حكمدارلری (داهر) اخذ و قتل اولندی و اهالیدن چوق كیمسه+لر اثنای محاصره+ده آچلقدن تلف اولوب بر طاقمی دخی كندو+سنی آتشه آتدی و اون دردنجی عصردن اشبو صوكنجی عصر نهایتنه
طوغری افغانیلرك و مغوللرك زیر حمایه+سنه کچوب (۱۸٤۳ م و ۱۲٥۹ ه) تاریخنده جنرال ناپیه معرفتیله برقاچ امارته تقسیم و انكایزلرك نوعما حمایه+ سنه ادخال اولندی
سند یاخود (هندوس) — هندستانده اك زیاده غرب جهتنده بولنان ایکی بیوك نهرلردن برینك اسمیدر اشبو نهر (تیبت)+ك جنوب شرقیسنده بر مجهول منبعدن نشأت ایدوب صاغ طرفنده كابل و بلوجستان و صول جانبنده پنجاب و مولتانی براقه+رق(اتوق) (چیقارپور) (حیدرآبا) و (تاتا)+یی اروادن صكره حیدرآبادك براز یوقاریسنده اون بر آغزدن بحر عمانه دوكیلور طول مجراسی ۲٥٦۰ كیلویترودر