لغات تاریخیه و جغرافیه

Lugat-ı Tarihiyye ve Coğrafiyye

سنجر

Sencer

سنجر — سلاچقۀ ارانیه+دن شدید بر پادشاهدر خراسان والیسی ایكن برادری سلطان محمد سلچوقینك وفاتی عقیبنده اصفهانه كلوب متوفانك تخته اجلاس ادیلان اوغلی صغیر محدودی خلع ایدرك یرینه اوتورمشیدی مدت سلطنتنده بتون ملوك متجاوره ایله محارباته كیریشوب اكثریسنه غلبه ایتدیكی حالده (غز) یاخود خطای تركلریله وقوعبولان صوك محاربه+سنده مغلوب اوله+رق زوجه+سی و سرعسكری ایله اسیر دوشمش و خراسانی دخی خوار+زمیلرك ید استیلا+سنه دوشورمشدر. مؤخراً غزنه+دن قاچوب قورتلدی و اخذ انتقامه قالقشدیسه ده آوان محبوسیتنده چكدیكی مشقتك تأثیریله وجودینه عارض اولان علت او+صره+ده كسب شدت ایلدیكندن (۱۱٥۳ م و ٥٤۸ ه) تاریخنده دار عقبایه رحلت ایتدی سنجر نامیله اشتهاری سنجارده طوغدیغی ایچوندر وفاتنی متعاقب امراسی ممالكنی بینلرنده مقاسمه ایدوب امیر(اینانج ) (ری) وامیر (آتیکین) (هرات) ممالكنده و( مؤید آبه) دخی سالف الذكر خراسان قطعه+سنده اعلان حكمرانی ایلدیلر