لغات تاریخیه و جغرافیه

Lugat-ı Tarihiyye ve Coğrafiyye

سنت ارنو (اشیل لور واردو)

سنت ارنو (اشیل لور واردو) — فرنسه مارشاللرندندر (۱۷۹۸ م و ۱۲۱۳ ه) تاریخنده پارسده تولد و (۱۸٥٤ م و ۱۲۷۱ ه) تاریخنده وفات ایلمشدر بو ذات پارلمنتوده بولنور بر دعوی وكیلنك اوغلی ایدی (۱۸۱٥)+ده فرقه مستحفظلغنه داخل اولوب یدی سنه صكره الینوزلرك دعواسی لهنه آچیلان محاربه+ده اپیجه شهرت اكتساب و مؤخراً بوژو نام جنراله انتساب ایتدی و (۱۸۳۷)+ده افریقایه کچه+رك قسطنطنیه شهری مهاجمه+سنه و (۱۸٤۰)+ده كندوسنی آغرجه جریحه+دار ایدن موزایا لوغازی محاربه+سنه وبر سنه عقیبنده جزایرده مسقره استیلاسنه كوندرلدی(۱۸٤٥) دن (۱۸٤۷) تاریخنه دكین داهرا اختلالنی شجیعانه حركاتله برطرف ایدوب قسطنطنیه ایالتنك باش قوماندانی اولدیغی حالده (۱۸٥۱)+ده پارسدن چاغریلوب حربیه نظارتنه تعیین و بو صرەده اردولرك اصلاح احوالنجه كوستردیكی سعی و اقدامات سایه+سنده مارشال رتبه+سنه نائل اولوب (۱۸٥٤ م و ۱۲۷۱ ه) تاریخنده روسیه+یه كوندریلان اردو اوزرینه قوماندان نصب ایدلدی بو اثناده انكلیز عسكری ایله متفقاً قریمده بر موفقیت تامه ایله قره+یه عسكر چیقاروب نهایت سیواستپول شهری اوزرینه یوررایكن چوقدن برو مبتلا اولدیغی بر خسته+لكدن وفات ایلدی بو مارشالك نامی پارسده بر محله+یه اعطا اولنمش و یارم كوده تصویری ناپولیون مكتبنه تعلیق ادیلمشدر