لغات تاریخیه و جغرافیه

Lugat-ı Tarihiyye ve Coğrafiyye

سنبل افندی

Sünbül Efendi

سنبل افندی — طریق سنبلی واضعیدر و اسمی (یوسف سنان) مسقط رأسی (بور) یاخود (مرزیفون) اولوب (چلبی خلیفه) یعنی محمد جلال الدین خلوتیدن استخلاف ایلمشدر مأموریت معنویه ایله مصره كیدوب اوراده مدت مدیده مشغول ارشاد ایكن شیخی مشار الیهك طریق حجده وفاتنی و یرینه اوتورمق و كریمه+سی (صفیه ملا) قادینی تزوج ایتمك ایچون و+صیتنی خبر آلدیغی كبی درسعادته كلوب پوستنشین فضل ورشادت اولدی. (ایلدی بستان زهدك سنبلی مأوایه عزم) تاریخنجه ارتحالی (۱٥۲۹ م و ۹۳٦ ه) سنه+سنده و قوعبولمشدر. (چلبی خلیفه)+یه دخی مراجعت بیوریله