سنان پاشا — دولت علیه وزراسندندر سلطان سلیمان اول زماننده قپودان دریا اولمش و سلیم ثانی و مراد ثالث و محمد ثالث زمانلرنده بش دفعه صدارت مسندینی احراز ایتش بر ذاتدر بونك ایچون بعض
تواریخ ارنودی الاصل دیرلر ایسه ده صحیحی ایتالیالی اولدیغی حالده اهتدا ایتمشدر (١٥٥١ م و ٩٥٩ ه) تاریخده طرابلس و رفع لوای عصیان ایدن یمنی و تونس تولیتنی تعت اطاعته اله+رق اهلیت و لیاقتنی ارائه و ابراز ایلدی وفاتی (۱٥۹٥ م و ۱۰۰٤ ه) تاریخده و تربه+سی درسعادته صدفجیلر ایچندەدر مشارالیه جداً شجیع و جنكاور اولدیغی كبی امور اداره+ده دخی ماهر ایدی مصر و سوریه واناطولیده جوامع خسته+خانه+لری و حماملری و چارشولری و درسعادتده لطفی پاشا و دباغ یونس محله+لرنده ایكی مسجدی و بشكطاشده بر جامعی واردر قوجه سنان پاشا دخی دیرلر. سلطان سلیمان حضرتلری بوكا كریمه+سی (مهرماه) سلطانی تزویج بیورمش ایدی