سنار — نوبه+ده بر شهردر بو شهر قدیم سنار حكومتنك مقر اداره+سی ایدی نیل ازرق اوزرنده واقع واون بیك نفوسی جامعدر و بر کوزل جامعی و درت قاتلی بر حكمدار سرایی اولوب ماعدا خانه+لری بر قاج تجاراوی مستثنا اوله+رق كوچك كوچك كلبه+لردن عبارتدر سنار ایالتی بحرازرق ایله بحر ابیض بیننده بولنور و اراضیسنده كونلك ضمغ بلسان عطریات نباتات طبیه حاصل اولور فیل دیشی و قوش تویندن عبارت اولان تجارتی مصر ایله غایت ایشلكدر
سناز خیلی زمانلره قدر قوت و مكنته مالك بر حكمدارلغك مركز خكومتنی تشكیل ایلرایدی سوداندن بورایه كلان فونژی نام بر صوك سلاله (۱٤۸٤ دن ۱۸۲۰ م) تاریخنه دكین اوچیوز اوتوزالتی سنه بر دوام اوله+رق بالجمله غربی نوبه اوزرنده اجرای حكومت ایلدی
مؤخراً محمد علی پاشازاده اسماعیل پاشا (۱۸۲۰ دن ۱۸۲۲ ) تاریخنه دكین محاربه ایله بو مملكتی ضبط ایدرك مصره الحاق ایتدی الیوم مصرك بر ایالتیدر